وہ اب فون کرتے ہیں
بم گرانے سے پہلے
فون بجتا ہے
اور کوئی جو میرا نام جانتا ہے
کہتا ہے بہترین عربی میں
میں ڈیوڈ ہوں
اور میری نیم حواسی دھماکوں کے شور اور چکنا چور شیشے
ہیں میرے دماغ پر غالب
میں نے سوچا ۔ میں کوئی ڈیوڈ غزہ میں جانتی ہوں؟

اب فون پہ کہتے ہیں
بھاگو

تمہارے پاس ۵۸ سیکنڈ ہیں اِس پیغام کے بعد
پھر تمہارے گھر کی باری
وہ سمجھتے ہیں اِسکو
جنگ کے آداب
پرواہ نہیں انکو
کہ کوئی جگہ نہیں بھاگنے کو

اس سے کوئی غرض نہیں کہ سرحدیں بند ہیں
اور ہمارے کاغذات کی وقعت نہیں
یہ صرف نشانے ہیں عمر قید
اس جیل میں سمندر کے پاس
یہاں گلیاں تنگ
اور بہت زندگیاں
لدی ایک دوسرے پر
دنیا میں سب سے زیادہ

بھاگو

ہماری تمہیں قتل کرنے کی کوشش نہیں
پرواہ نہیں ہمیں فون پر بتا نہیں سکو گے
کہ جو لوگ ہمیں مطلوب ہیں تمہارے گھر میں نہیں
یہاں کوئی نہیں ہے
سوائے تمہارے اور تمہارے بچوں کے
جو ارجنٹینا کیلئے خوش ہو رہے تھے
اس ہفتے کی آخری روٹی بانٹ رہے تھے
اور گِن رہے تھے آخری موم بتیاں اگر بجلی چلی جائے

کوئی فرق نہیں پڑتا کہ تمہارے بچے ہیں
تم غلط جگہ مقیم ہو
اب تمہارا موقع ہے بھاگ کر
کہیں نہ جانے کا
پرواہ نہیں
کہ ۵۸ سیکنڈ کافی نہیں
شادی کی البم ڈھونڈنے کیلئے
یا تمہارے بیٹے کا پسندیدہ کمبل
یا بیٹی کی تقریباََ مکمل کالج کی درخواست
یا تمہارے جوتے
یا گھر میں سب کو اکٹھا کرنے کیلئے

کوئی غرض نہیں کہ تم نے کیا سوچا تھا
کوئی غرض نہیں تم کون ہو
ثابت کرو کہ تم انسان ہو
ثابت کرو کہ تم دو ٹانگوں پر کھڑے ہو

بھاگو