میں تمہارے لیے غزل لکھنے کی کوشش کر رہی ہوں لیکن

خبریں میری کافی کی مانند ابل رہی ہیں۔

فرض کرو کسی نظم کا ٓاغاز تباہی سے نہ ہو۔

یاد ہیں وہ چھپے ہوئے سیکلیمین کے پودے، وہ پہاڑ۔

میں پوچھتی ہوں اور ڈرتی ہوں اپنے جوابوں سے۔

اگر میں اپنا غصہ اور تیز کروں تو کیا وہ عام دکھ کو کاٹ سکے گا؟

ہم ناموں اور ڈراونے خوابوں پر زندہ رہتے ہیں۔

:جب ہمارے بچّوں کے بچّے پیدا ہوتے ہیں، تو ہم دہراتے ہیں

دعا ہے کہ تمہارے دن بہت زیادہ خوبصورت ہوں۔

جنوب میں صحافی قتل کیے جاتے ہیں اور

ممنوعہ بارش شاعروں کی طرح سوگوار برستی ہے۔

اس شمالی برّاعظم پر اجنبی مسکراہٹ بیچتے ہیں

بڑے سے ٹرکی اور خون کےتحفے کے ساتھ۔

یہاں ہم زبان کھو دیتے ہیں اور کھوکھلے امن کو سراہتے ہیں۔

یہاں ہم بےزبان ہو کر سراہتے ہیں۔ کھوکھلی، امن کی

مسکراہٹ، بڑے سے ٹرکی اور خون کےتحفے کے ساتھ۔

اس شمالی برّاعظم پر اجنبی حرام بارش بیچتے ہیں۔

 شاعروں کی طرح سوگوار، جنوب میں صحافی قتل کیے جاتے

،اور پیدا ہوتے ہیں۔ دعا ہے کہ تمہارے دن زیادہ خوبصورت ہوں

ہم دہراتے ہیں۔ جب ہمارے بچّوں کے بچّے

عوام کا دکھ بنتے ہیں، تو ہم ناموں اور ڈراونے

خوابوں پہ زندہ رہتے ہیں۔ اگر میں اپنا غصہ اور تیز کروں

 تو کیا وہ پہاڑ چیرتا ہوا نکل سکتا ہے؟ میں پوچھتی ہوں اور

ڈرتی ہوں۔ میرے جواب؟

 یاد کرو وہ چھپے ہوئے سیکلیمین  کے پودے۔

فرض کرو کوئی تباہی نہ ہو۔

نظم کھولو، خبریں اٗبلتی ہیں۔

میں کافی ابالتے ہوئے تمہارے لیے غزل لکھنے کی کوشش کررہی ہوں لیکن